លំហាត់ (23)

1. ចំនួនមួយមានលេខពីរខ្ទង់ បើគេអានពីឆ្វេងទៅស្ដាំ វាមានតម្លៃស្មើនឹង 4.5 ដងនៃចំនួននោះ ដែលអានពីស្ដាំទៅឆ្វេង។ តើចំនួននោះស្មើនឹងប៉ុន្មាន?
2. បុរសបីនាក់នៅក្នុងភោជនីយដ្ឋានមួយ។ វិក្កយបត្រគិតប្រាក់មានតម្លៃ  £30 ដូចនេះ បុរសម្នាក់ៗ ឲ្យក្រដាសប្រាក់ £10 ទៅអ្នករត់តុ។ អ្នករត់តុយកវិក្កយបត្រគិតប្រាក់ទៅឲ្យប្រធានដែលជាអ្នកបញ្ជាក់ថា គាត់បានគិតប្រាក់លើស ដូចនេះ គាត់ឲ្យអ្នករត់តុ£5  ដើម្បីប្រគល់ឲ្យបុរសទាំងបី នោះ។ តាមផ្លូវត្រឡប់ទៅកាន់តុវិញ ដោយអ្នករត់តុមិនមានភាពស្មោះត្រង់ គាត់បានទុកក្នុងហោ ប៉ៅចំនួន£2 នៃ £5សម្រាប់ខ្លួនគាត់ ហើយឲ្យត្រឡប់ទៅបុរសម្នាក់ៗតែ £1។ នោះមានន័យថា បុរសម្នាក់ៗបានចំណាយ £9 ហើយចំណាយសរុបគឺ £27។ អ្នករត់តុបាន  £2 បុរសទាំងបីបានចំណាយ £27 ដែលសរុបត្រូវជា £29 ។ តើមានអ្វីកើតឡើងចំពោះ £1 ដែលបាត់?
3. មានតែមួយប្រយោគគត់ក្នុងចំណោមប្រយោគទាំង ៥ នេះដែលត្រឹមត្រូវ តើប្រយោគមួយណា? ១-មានតែមួយប្រយោគគត់ក្នុងចំណោមប្រយោគទាំងនេះដែលមិនត្រឹមត្រូវ។ ២-មានតែពីរប្រយោគគត់ក្នុងចំណោមប្រយោគទាំងនេះដែលមិនត្រឹមត្រូវ។ ៣-បីប្រយោគក្នុងចំណោមប្រយោគទាំងនេះមិនត្រឹមត្រូវ។ ៤-បួនប្រយោគក្នុងចំណោមប្រយោគទាំងនេះមិនត្រឹមត្រូវ។ ៥-ប្រយោគទាំងអស់ 5 ក្នុងចំណោមប្រយោគទាំងនេះមិនត្រឹមត្រូវ។
4. តើចំនួនប៉ុន្មានដែលនៅពេលគេបន្ថែម 5/4 គេបានលទ្ធផលស្មើនឹងខ្លួនវាគុណនឹង 5/4?
5. ប្រាក់កាក់របស់អង់គ្លេសពីរបូកបញ្ចូលគ្នាមានតម្លៃស្មើនឹង 55¢។ ប្រាក់កាក់មួយមានតម្លៃខុសពី 50¢។ តើប្រាក់កាក់ទាំងពីរនោះមានតម្លៃស្មើនឹងប៉ុន្មានខ្លះ?
6. ក្មេងស្រីម្នាក់មានបងប្អូនស្រីស្មើនឹងចំនួនបងប្អូនប្រុស។ ប៉ុន្តែ បងប្អូនប្រុសម្នាក់ៗមានបងប្អូន ស្រីស្មើនឹងពីរដងនៃចំនួនបងប្អូនប្រុស។ តើមានបងប្អូនប្រុស និងបងប្អូនស្រីចំនួនប៉ុន្មាននាក់ក្នុង គ្រួសារនោះ?
7. ជាងម្នាក់ចាក់ពុម្ពកូនជញ្ជីង 15លើកដែល 1 លើកចាក់បានកូនជញ្ជីង 20 ហើយមួយមានទម្ងន់ 100g។ ប៉ុន្តែដោយការចាក់ពុម្ពនេះមានកំហុស ១លើកនោះកូនជញ្ជីងនីមួយៗក្នុងកញ្ចប់នេះមានទម្ងន់តែ 99g។ គាត់ចង់រកថា តើកញ្ចប់មួយណាដែលមានកូនជញ្ជីង ខូចនោះគាត់យកជញ្ជីងត្រឹមត្រូវមួយមកថ្លឹង។ តើគាត់ដាក់ថ្លឹងរបៀបណាដើម្បីឲ្យដឹង កញ្ចប់កូនជញ្ជីងខូចដែលការថ្លឹងនេះធ្វើតែមួយដងគត់។
8. នៅក្នុងយន្តហោះមួយគ្រឿងដែលធ្វើដំណើរ ពីក្រុងប៉ារីស ទៅក្រុងតូក្យូមានអ្នកដំណើរប្រាំមួយនាក់ ដែលឈ្មោះមានអក្សរដើម A, B, C, D, E និង F  អង្គុយនៅជួរជាមួយគ្នា។ ក្នុងចំណោមអ្នកទាំងនោះ ម្នាក់ជាតិជប៉ុន, ម្នាក់ជាតិចិន, ម្នាក់ជាតិខ្មែរ, ម្នាក់ជាតិបារាំង, ម្នាក់ជាតិអាល្លឺម៉ង់ និងម្នាក់ទៀតជាតិឥណ្ឌា។ គេដឹងថា៖-A និងជប៉ុនជាគ្រូពេទ្យ-E និងចិនជាសាស្ដ្រាចារ្យ-C និងខ្មែរជាវិស្វករ-អាល្លឺម៉ង់ចាស់ជាង A-ឥណ្ឌាចាស់ជាង C-B និង F ឡើងយន្តហោះនៅក្រុងរោម ហើយខ្មែរឡើងយន្តហោះនៅក្រុងប៉ារីស-B និងជប៉ុនចុះនៅតូក្យូហើយ C និងអាល្លឺម៉ង់ចុះនៅហុងកុងតើគេអាចរកសញ្ជាតិ និងមុខរបររបស់អ្នកដំណើរទាំងនោះបានឬទេ?
9. Mark និង John ត្រូវបានគេជួលឲ្យលាបថ្នាំបន្ទប់មួយ។ Mark ប៉ាន់ស្មានថា គាត់អាច លាបហើយក្នុងរយៈពេល 3 ម៉ោងបើគាត់ធ្វើតែម្នាក់ឯង ហើយ John ប៉ាន់ស្មានថា គាត់អាចលាបហើយក្នុងរយៈពេលតែ 2 ម៉ោងបើគាត់ធ្វើតែម្នាក់ឯង។ បើ John និង Mark លាបបន្ទប់រួមគ្នា តើគេត្រូវប្រើពេលប៉ុន្មាន?
10. អតិថិជនម្នាក់បានទិញផ្លែប៉ោម 5 និងផ្លែព័រ 6 នៅឯកន្លែងលក់ផ្លែឈើមួយកន្លែង ហើយត្រូវបានគេលក់ក្នុងតម្លៃ $3.10។ អតិថិជនម្នាក់ទៀតបានទិញផ្លែប៉ោម 2 និងផ្លែព័រ 5 ហើយត្រូវបានគេលក់ក្នុងតម្លៃ $2.15។ រកតម្លៃផ្លែប៉ោមមួយផ្លែ និងតម្លៃផ្លែព័រមួយផ្លែ។
11. បរិមាត្រនៃចម្ការរាងចតុកោណកែងមួយគឺ 110m ។ បីដងនៃបណ្ដោយស្មើនឹង 8 ដងនៃទទឹង។ រកផ្ទៃក្រឡានៃចម្ការនោះ។
12. នៅក្នុងការបូបមួយមានប្រាក់ 8000៛។បើគេរាប់ក្រដាសប្រាក់ គេឃើញមាន 11 សន្លឹក ។ ក្រដាសប្រាក់មានពីរប្រភេទគឹ ប្រភេទ 500៛ និង ប្រភេទ 1000៛។ ចូររកចំនួនក្រដាសប្រាក់ប្រភេទនីមួយៗ។
13. បណ្ណាគារមួយកន្លែងបានទិញសៀវភៅថតចំលងចំនួន 200 ក្បាល។ សៀវភៅ ទាំងនេះមានពីរប្រភេទគឺ ប្រភេទក្របទន់ និងប្រភេទក្របរឹង។ សៀវភៅក្របទន់មួយក្បាលលក់ ថ្លៃ $47.50 ហើយសៀវភៅក្របរឹងមួយក្បាលលក់ថ្លៃ $65.00។ នៅពេលដែលគេលក់សៀវភៅ អស់ តម្លៃសរុបដែលម្ចាស់ហាងទទួលបានគឺ $10 725។ រកចំនួនសៀវភៅប្រភេទនីមួយៗ។
14. Joanne មានមានអាយុ 3 ឆ្នាំលើស Amy។ 3 ដងនៃអាយុរបស់ Joanne ស្មើនឹង 15 ឆ្នាំ ច្រើនជាង 2 ដងនៃអាយុ Amy។ តើ Joanne និង Amy មានអាយុប៉ុន្មាន?
15. ចរិយា និងធារីមានប្រាក់មួយចំនួន។ បើចរិយាឲ្យប្រាក់ធារី $85 នោះអ្នកទាំងពីរមានប្រាក់ស្មើគ្នា។ បើធារីឲ្យប្រាក់ចរិយា $85 នោះចរិយានឹងមានប្រាក់ស្មើនឹងពីរដងនៃប្រាក់ធារី។ តើម្នាក់ៗមានប្រាក់ប៉ុន្មាន?
16. Jenifer ក្មេងជាង Melissa 7 ឆ្នាំ។ ក្នុងរយៈពេល 4 ឆ្នាំក្រោយ Jenifer នឹងចាស់ជាង ពាក់កណ្ដាលនៃអាយុ Melissa 1 ឆ្នាំ។ តើឥឡូវនេះ ម្នាក់ៗមានអាយុប៉ុន្មានឆ្នាំ?
17. Alicia និង Rose ធ្វើការងារជាមួយគ្នាអាចសម្រេចការងារមួយក្នុងរយៈពេល 4.8 ម៉ោង។ បើសិនជាការងារនោះ ត្រូវបានបំពេញដោយ Alicia តែម្នាក់ឯង នោះគាត់ត្រូវប្រើរយៈពេល 12 ម៉ោង។ តើ Rose ត្រូវការរយៈពេល ប៉ុន្មានដើម្បីបំពេញការងារនោះ បើគាត់ធ្វើតែម្នាក់ឯង?
18. វិញ្ញាសាប្រលងមួយមាន N សំណួរ។ សំណួរនីមួយៗបាន 1 ពិន្ទុ។ ថារីបានធ្វើខុស 10 សំណួរ ហើយបានទទួលពិន្ទុ 60%។ តើវិញ្ញាសានោះមានប៉ុន្មានសំណួរ?
19. គ្រូមានខ្មៅដៃមួយចំនួនចង់ចែកឲ្យសិស្ស។ បើចែកឲ្យម្នាក់ 1 គ្រូនៅសល់ខ្មៅដៃ 12។ បើចែកឲ្យម្នាក់ 2 គ្រូខ្វះខ្មៅដៃ 12។ តើគ្រូមានខ្មៅដៃប៉ុន្មានដើម? តើសិស្សមានប៉ុន្មាននាក់?
20. នៅក្នុងទ្រឹស្ដីមួយ គេឲ្យនិយមន័យទៅលើមនុស្សភរដូចតទៅនេះ «មនុស្សភរជាមនុស្សដែល មិនដែលនិយាយការពិតទាល់តែសោះ»។ បើសុខនិយាយថា «ខ្លួនជាមនុស្សភរ» ចូរបង្ហាញថា សុខមិនមែនជាមនុស្សភរទេ។
21. នៅក្នុងទ្រឹស្ដីមួយ គេឲ្យនិយមន័យទៅលើមនុស្សភរដូចតទៅនេះ «មនុស្សភរជាមនុស្សដែល មិននិយាយការពិតជានិច្ចនោះទេ»។ បើសុខនិយាយថា «ខ្លួនជាមនុស្សភរ» ចូរបង្ហាញថា សុខជាមនុស្សភរមែន។
22. រូបវិទូម្នាក់ធ្វើវិចារដូចខាងក្រោមនេះ-បើសម្មតិកម្មរបស់ខ្ញុំត្រឹមត្រូវ ការពិសោធន៍ត្រូវតែបានសំរេច-ការពិសោធន៍បានសំរេចហើយ-ដូច្នេះ សម្មតិកម្មរបស់ខ្ញុំត្រឹមត្រូវ។ តើវិចារនេះត្រឹមត្រូវឬទេ?
23. តើវិចារខាងក្រោមនេះត្រឹមត្រូវដែរឬទេ?-ទាហានទាំងអស់សុទ្ធតែចេះដើរត្រូវចង្វាក់ជើង-កូនក្មេងខ្លះមិនចេះដើរត្រូវចង្វាក់ជើងទេ-ដូច្នេះ កូនក្មេងទាំងនេះមិនមែនជាទាហានទេ។